Jayanti GR Maharashtra List 2026 : महाराष्ट्र शासनाच्या सामान्य प्रशासन विभागाने सन 2026 मध्ये राष्ट्रपुरुष व थोर व्यक्ती यांच्या जयंती तसेच विविध राष्ट्रीय दिन साजरे करण्याबाबत शासन परिपत्रक जारी केले आहे. या परिपत्रकानुसार मंत्रालयासह राज्यातील शासकीय व निमशासकीय कार्यालये, तसेच राज्यातील सर्व महाविद्यालये आणि शाळांमध्ये संबंधित कार्यक्रम साजरे करण्यात येणार आहेत.
शाळा, महाविद्यालये आणि शासकीय कार्यालयांना वर्षभरातील जयंती व राष्ट्रीय दिनांचे नियोजन करता यावे, यासाठी शासनाने 2026 सालातील कार्यक्रमांची दिनांक वार निहाय यादी परिशिष्टासोबत प्रसिद्ध केली आहे. या वर्षातील ऑक्टोबर, नोव्हेंबर आणि डिसेंबर 2026 या महिन्यातील जयंती, पुण्यतिथी व राष्ट्रीय दिनांची संपूर्ण यादी या लेखात दिली आहे.
सन 2026 मधील जयंती, पुण्यतिथी व राष्ट्रीय दिनांची संपूर्ण यादी
| अ.क्र. | जयंती / राष्ट्रीय दिन | दिनांक | कार्यक्रमाचे स्वरूप |
|---|---|---|---|
| 1 | सावित्रीबाई फुले जयंती | 3 जानेवारी 2026 | प्रतिमेस पुष्पहार अर्पण |
| 2 | जिजाऊ माँसाहेब जयंती | 12 जानेवारी 2026 | प्रतिमेस पुष्पहार अर्पण |
| 3 | स्वामी विवेकानंद जयंती | 12 जानेवारी 2026 | प्रतिमेस पुष्पहार अर्पण |
| 4 | नेताजी सुभाषचंद्र बोस जयंती | 23 जानेवारी 2026 | प्रतिमेस पुष्पहार अर्पण |
| 5 | बाळासाहेब ठाकरे जयंती | 23 जानेवारी 2026 | प्रतिमेस पुष्पहार अर्पण |
| 6 | संत रविदास महाराज जयंती | 1 फेब्रुवारी 2026 | प्रतिमेस पुष्पहार अर्पण |
| 7 | संत सेवालाल महाराज जयंती | 15 फेब्रुवारी 2026 | प्रतिमेस पुष्पहार अर्पण |
| 8 | छत्रपती शिवाजी महाराज जयंती | 19 फेब्रुवारी 2026 | प्रतिमेस पुष्पहार अर्पण |
| 9 | बाळशास्त्री जांभेकर जयंती | 20 फेब्रुवारी 2026 | प्रतिमेस पुष्पहार अर्पण |
| 10 | संत गाडगे बाबा जयंती | 23 फेब्रुवारी 2026 | प्रतिमेस पुष्पहार अर्पण |
| 11 | यशवंतराव चव्हाण जयंती | 12 मार्च 2026 | प्रतिमेस पुष्पहार अर्पण |
| 12 | शहीद दिन | 23 मार्च 2026 | भगतसिंग, राजगुरू व सुखदेव यांच्या प्रतिमेस पुष्पहार |
| 13 | महात्मा ज्योतिबा फुले जयंती | 11 एप्रिल 2026 | प्रतिमेस पुष्पहार अर्पण |
| 14 | डॉ. बाबासाहेब आंबेडकर जयंती | 14 एप्रिल 2026 | प्रतिमेस पुष्पहार अर्पण |
| 15 | महात्मा बसवेश्वर जयंती | 19 एप्रिल 2026 | प्रतिमेस पुष्पहार अर्पण |
| 16 | राष्ट्रसंत तुकडोजी महाराज जयंती | 30 एप्रिल 2026 | प्रतिमेस पुष्पहार अर्पण |
| 17 | छत्रपती संभाजी महाराज जयंती | 14 मे 2026 | प्रतिमेस पुष्पहार अर्पण |
| 18 | दहशतवाद व हिंसाचार विरोधी दिवस | 21 मे 2026 | दहशतवाद व हिंसाचार विरोधी दिवसाची शपथ |
| 19 | स्वातंत्र्यवीर सावरकर जयंती | 28 मे 2026 | प्रतिमेस पुष्पहार अर्पण |
| 20 | अहिल्यादेवी होळकर जयंती | 31 मे 2026 | प्रतिमेस पुष्पहार अर्पण |
| 21 | महाराणा प्रतापसिंह जयंती | 17 जून 2026 | प्रतिमेस पुष्पहार अर्पण |
| 22 | राजर्षी शाहूमहाराज जयंती | 26 जून 2026 | प्रतिमेस पुष्पहार अर्पण |
| 23 | वसंतराव नाईक जयंती | 1 जुलै 2026 | प्रतिमेस पुष्पहार अर्पण |
| 24 | लोकमान्य बाळ गंगाधर टिळक जयंती | 23 जुलै 2026 | प्रतिमेस पुष्पहार अर्पण |
| 25 | साहित्यरत्न अण्णाभाऊ साठे जयंती | 1 ऑगस्ट 2026 | प्रतिमेस पुष्पहार अर्पण |
| 26 | क्रांतिसिंह नाना पाटील जयंती | 3 ऑगस्ट 2026 | प्रतिमेस पुष्पहार अर्पण |
| 27 | सद्भावना दिवस | 20 ऑगस्ट 2026 | सद्भावना दिवसाची शपथ |
| 28 | राजे उमाजी नाईक जयंती | 7 सप्टेंबर 2026 | प्रतिमेस पुष्पहार अर्पण |
| 29 | भगवान सर्वज्ञ श्रीचक्रधर स्वामी अवतारदिन | 13 सप्टेंबर 2026 | स्वतंत्र आदेश निर्गमित करण्यात येतील |
| 30 | केशव सीताराम ठाकरे उर्फ प्रबोधनकार ठाकरे जयंती | 17 सप्टेंबर 2026 | प्रतिमेस पुष्पहार अर्पण |
| 31 | पंडित दीनदयाळ उपाध्याय जयंती – अंत्योदय दिवस | 25 सप्टेंबर 2026 | प्रतिमेस पुष्पहार अर्पण |
| 32 | महात्मा गांधी जयंती | 2 ऑक्टोबर 2026 | प्रतिमेस पुष्पहार अर्पण |
| 33 | लाल बहादूर शास्त्री जयंती | 2 ऑक्टोबर 2026 | प्रतिमेस पुष्पहार अर्पण |
| 34 | डॉ. ए.पी.जे. अब्दुल कलाम जयंती | 15 ऑक्टोबर 2026 | प्रतिमेस पुष्पहार अर्पण |
| 35 | महर्षी वाल्मिकी जयंती | 26 ऑक्टोबर 2026 | प्रतिमेस पुष्पहार अर्पण |
| 36 | इंदिरा गांधी पुण्यतिथी व राष्ट्रीय संकल्प दिवस | 31 ऑक्टोबर 2026 | प्रतिमेस पुष्पहार अर्पण |
| 37 | वल्लभभाई पटेल जयंती व राष्ट्रीय एकता दिवस | 31 ऑक्टोबर 2026 | पुष्पहार अर्पण व राष्ट्रीय एकता दिवसाची शपथ |
| 38 | पंडित नेहरू जयंती | 14 नोव्हेंबर 2026 | प्रतिमेस पुष्पहार अर्पण |
| 39 | बिरसा मुंडा जयंती | 15 नोव्हेंबर 2026 | प्रतिमेस पुष्पहार अर्पण |
| 40 | इंदिरा गांधी जयंती व राष्ट्रीय एकात्मता दिन | 19 नोव्हेंबर 2026 | पुष्पहार अर्पण व राष्ट्रीय एकात्मता दिवसाची शपथ |
| 41 | संविधान दिवस | 26 नोव्हेंबर 2026 | भारतीय संविधानाच्या उद्देशिकेचे सामूहिक वाचन |
| 42 | संत संताजी जगनाडे महाराज जयंती | 8 डिसेंबर 2026 | प्रतिमेस पुष्पहार अर्पण |
| 43 | अटल बिहारी वाजपेयी जयंती | 25 डिसेंबर 2026 | प्रतिमेस पुष्पहार अर्पण |
| 44 | वीर बाल दिवस | 26 डिसेंबर 2026 | प्रतिमेस पुष्पहार अर्पण |
| 45 | डॉ. भाऊसाहेब उर्फ पंजाबराव देशमुख जयंती | 27 डिसेंबर 2026 | प्रतिमेस पुष्पहार अर्पण |
वरील दिनांक व कार्यक्रमांचे स्वरूप महाराष्ट्र शासनाच्या परिपत्रकाच्या परिशिष्टात नमूद केले आहे.
दिवंगत उपमुख्यमंत्री अजित अनंतराव पवार यांच्या जयंतीचा समावेश राज्य शासनाच्या २०२६ मधील राष्ट्रपुरुष व थोर व्यक्तींच्या अधिकृत जयंती कार्यक्रमांमध्ये करण्यात आला आहे. याबाबत सामान्य प्रशासन विभागाने (GAD) १५ जुलै २०२६ रोजी अधिकृत परिपत्रक जारी केले आहे.
परिपत्रकानुसार, २२ जुलै २०२६ (बुधवार) रोजी राज्यभर दिवंगत उपमुख्यमंत्री अजित अनंतराव पवार यांची जयंती साजरी करण्याचा निर्णय घेण्यात आला आहे.
ऑक्टोबर महिन्यातील जयंती व राष्ट्रीय दिन
ऑक्टोबर 2026 महिन्यात महत्त्वाचे अनेक जयंती व राष्ट्रीय दिन साजरे करण्यात येणार आहेत. 2 ऑक्टोबर रोजी महात्मा गांधी जयंती आणि लाल बहादूर शास्त्री जयंती साजरी केली जाणार असून या दिवशी संबंधित महापुरुषांच्या प्रतिमेस पुष्पहार अर्पण करण्याचा कार्यक्रम आहे. त्यानंतर 15 ऑक्टोबर रोजी डॉ. ए.पी.जे. अब्दुल कलाम जयंती, तर 26 ऑक्टोबर रोजी महर्षी वाल्मिकी जयंती साजरी केली जाणार आहे. तसेच 31 ऑक्टोबर रोजी इंदिरा गांधी पुण्यतिथी व राष्ट्रीय संकल्प दिवस साजरा केला जाणार असून त्याच दिवशी सरदार वल्लभभाई पटेल जयंती व राष्ट्रीय एकता दिवस देखील साजरा केला जाणार आहे. राष्ट्रीय एकता दिनानिमित्त राष्ट्रीय एकतेची शपथ घेण्याचेही शासन परिपत्रकात नमूद करण्यात आले आहे.
नोव्हेंबर महिन्यातील जयंती व राष्ट्रीय दिन
नोव्हेंबर 2026 मध्येही महत्त्वाचे जयंती व राष्ट्रीय दिन आहेत. 14 नोव्हेंबर रोजी पंडित जवाहरलाल नेहरू जयंती, तर 15 नोव्हेंबर रोजी बिरसा मुंडा जयंती साजरी करण्यात येणार आहे. त्यानंतर 19 नोव्हेंबर रोजी इंदिरा गांधी जयंती व राष्ट्रीय एकात्मता दिन साजरा केला जाणार असून यावेळी प्रतिमेस पुष्पहार अर्पण करण्यासोबत राष्ट्रीय एकात्मता दिवसाची शपथ घेण्यात येणार आहे. तसेच 26 नोव्हेंबर रोजी संविधान दिवस साजरा केला जाणार असून या दिवशी भारतीय संविधानाच्या उद्देशिकेचे सामूहिक वाचन करण्याचे शासनाने निश्चित केले आहे.
डिसेंबर महिन्यातील जयंती व राष्ट्रीय दिन
डिसेंबर 2026 महिन्यात 8 डिसेंबर रोजी संत संताजी जगनाडे महाराज जयंती साजरी केली जाणार आहे. त्यानंतर 25 डिसेंबर रोजी माजी पंतप्रधान अटल बिहारी वाजपेयी जयंती, 26 डिसेंबर रोजी वीर बाल दिवस आणि 27 डिसेंबर रोजी डॉ. भाऊसाहेब उर्फ पंजाबराव देशमुख जयंती साजरी करण्यात येणार आहे. शासनाच्या परिपत्रकानुसार या जयंतींच्या दिवशी संबंधित महापुरुषांच्या प्रतिमेस पुष्पहार अर्पण करण्याचा कार्यक्रम निश्चित करण्यात आला आहे.
शाळा व महाविद्यालयांसाठी महत्त्वाची सूचना
या शासन परिपत्रकाचा लागू क्षेत्र केवळ मंत्रालय किंवा शासकीय कार्यालयांपुरता मर्यादित नसून राज्यातील सर्व महाविद्यालये आणि शाळांनाही हे परिपत्रक लागू राहणार आहे. त्यामुळे शाळांनी वर्षभरातील संबंधित जयंती व राष्ट्रीय दिनांच्या कार्यक्रमांचे नियोजन करताना सामान्य प्रशासन विभागाने जारी केलेल्या जयंती व पुण्यतिथी 2026 मूळ शासन निर्णय PDF डाउनलोड करून त्यानुसार अटी व शर्ती नुसार जयंती व पुण्यतिथी, राष्ट्रीय दिन साजरा करावा.
सुट्टीच्या दिवशी जयंती किंवा राष्ट्रीय दिन आल्यास काय करावे?
परिपत्रकात याबाबत स्पष्ट सूचना देण्यात आली आहे. एखादा कार्यक्रम सार्वजनिक सुट्टी, शनिवार-रविवार किंवा स्थानिक सुट्टीच्या दिवशी येत असल्यास आणि केंद्र शासनाने कार्यक्रमात बदल करण्याच्या सूचना दिल्यास त्यानुसार कार्यक्रम साजरा करावा. अन्यथा संबंधित कार्यक्रम त्याच दिवशी साजरा करण्यात यावा.
विभागीय आयुक्त आणि जिल्हाधिकारी यांनी त्यांच्या विभागातील व जिल्ह्यातील सर्व शासकीय आणि निमशासकीय कार्यालयांमध्ये हे कार्यक्रम आयोजित करण्याबाबत आवश्यक सूचना देऊन त्यांची अंमलबजावणी सुनिश्चित करण्याची कार्यवाही करावी, असे शासनाने नमूद केले आहे.
परिपत्रकात विभाग प्रमुख व कार्यालय प्रमुखांनी संबंधित शासन निर्णय आणि शासन परिपत्रकातील सूचनांनुसार कार्यवाही करण्याचेही नमूद करण्यात आले आहे.
जयंती, पुण्यतिथी व राष्ट्रीय दिन संपूर्ण यादी शासन निर्णय PDF 2026
- सन 2026-27 मधील जयंती, पुण्यतिथी व राष्ट्रीय दिन संपूर्ण यादी शासन निर्णय PDF 2026 डाउनलोड करा
- सामान्य प्रशासन विभाग (GAD) १५ जुलै २०२६ रोजीचे शासन परिपत्रक PDF डाउनलोड करा
- राष्ट्र पुरुष/थोर व्यक्तींचे जयंती दिन व अन्य राष्ट्रीय दिन साजरे करण्याबाबत सामान्य प्रशासन विभाग दि 05-09-2022 शासन निर्णय डाउनलोड करा
