ICC Committee School : राज्यातील सर्व प्राथमिक व माध्यमिक शाळांमध्ये स्थापन केलेल्या ‘अंतर्गत तक्रार समितीची’ (Internal Complaints Committee-ICC) जिल्हास्तर व तालुकास्तर सविस्तर माहिती सादर करणेबाबत प्राथमिक शिक्षण संचालनालय कार्यालयाकडून परिपत्रक जारी करण्यात आले आहे.
शाळांमध्ये ‘अंतर्गत तक्रार समिती’ (ICC) स्थापन करणे बंधनकारक
राज्यातील सर्व शाळांमध्ये महिला आणि विद्यार्थिनींच्या सुरक्षिततेसाठी ‘अंतर्गत तक्रार समिती’ (Internal Complaints Committee – ICC) स्थापन करण्याबाबत शिक्षण संचालनालयाने निर्देश दिले आहेत. यासंदर्भात प्राथमिक आणि माध्यमिक शिक्षण संचालनालयाने सर्व विभागीय शिक्षण उपसंचालक आणि शिक्षणाधिकाऱ्यांना सविस्तर अहवाल सादर करण्याचे आदेश काढले आहेत.
उपरोक्त विषयास अनुसरुन, आयुक्तालयाचे “राज्यातील सर्व प्राथमिक व माध्यमिक शाळांमध्ये स्थापन केलेल्या ‘अंतर्गत तक्रार समितीची’ (Internal Complaints Committee-ICC) जिल्हास्तर व तालुकास्तर सविस्तर माहिती सादर करणेबाबत” चे पत्र संचालनालयास प्राप्त झाले आहे. (प्रत संलग्न)
विषयांकित प्रकरणी, आयुक्तालयाचे संदर्भिय पत्रान्वये कळविण्यात आल्यानुसार, “कामाच्या ठिकाणी महिलांचे लैंगिक छळापासून संरक्षण अधिनियम, २०१३ मधील तरतुदींनुसार, राज्यातील सर्व शासकीय, अनुदानित, अंशतः अनुदानित व विनाअनुदानित प्राथमिक तसेच माध्यमिक शाळांमध्ये अंतर्गत तक्रार समिती (Internal Complaints Committee) स्थापना करणे बंधनकारक आहे.
शासकीय कार्यालयातील महिला अधिकारी व कर्मचारी तसेच शालेय स्तरावर महिला कर्मचारी व विदयार्थिनींच्या सुरक्षिततेच्या दृष्टीने या समितीचे गठन अत्यंत महत्त्वाचे असून, राज्यातील किती शाळांनी या समितीची स्थापना केली आहे, याचा अद्ययावत डेटा आयुक्तालय स्तरावर संकलित केला जात आहे.
त्यास अनुसरून, आपल्या अधीनस्थ असलेल्या सर्व संबंधित यंत्रणांकडुन खालील मुद्दयांच्या आधारे जिल्हास्तर व तालुकास्तर सविस्तर माहिती संकलित करण्यात यावी.
माहितीचे प्रमुख मुद्दे
- एकूण शाळांची संख्या (तालुका व जिल्हा निहाय).
- अंतर्गत तक्रार समिती स्थापन केलेल्या शाळांची संख्या व टक्केवारी.
- समिती स्थापन न केलेल्या शाळांची संख्या व त्याबाबत केलेली/प्रस्तावित कारवाई.
माहिती संदर्भिय पत्रासोबत प्राप्त झालेल्या खालील विहित प्रपत्रात (Format) संकलित करून, एकत्रित (Consolidated) अहवाल दि. २१/०८/२०२६ पर्यंत प्राथमिक/माध्यमिक संचालनालयास, hard copy, soft copy (Excel Sheet मध्ये) सादर करावा.
माहिती सादर करावयाचा विहित नमुना
सर्व प्राथमिक व माध्यमिक शाळांमध्ये स्थापन केलेल्या ‘अंतर्गत तक्रार समितीची’ (Internal Complaints Committee-ICC) जिल्हास्तर व तालुकास्तर सविस्तर माहिती प्राथमिक ची माहिती (प्राथमिक शाळांची माहिती-प्राथमिक शिक्षण संचालनालयाकडे व माध्यमिक शाळांची माहिती-माध्यमिक शिक्षण संचालनालयाकडे सादर करावी.)
अधिक माहितीसाठी : राज्यातील सर्व प्राथमिक व माध्यमिक शाळांमध्ये स्थापन केलेल्या ‘अंतर्गत तक्रार समितीची’ माहिती सादर करणेबाबत परिपत्रक डाउनलोड करा
