ZP School Time Table 2026-27 : जिल्हा परिषद अंतर्गत स्थानिक स्वराज्य संस्थांच्या शाळांच्या वेळापत्रकाबाबत महत्त्वाचे निर्देश जारी करण्यात आले आहेत. सोमवार ते शुक्रवार पूर्ण वेळ शाळा सकाळी 10 वाजता सुरू होऊन दुपारी 4:30 वाजता सुटणार आहे. तर शनिवारी अर्धा दिवस शाळा भरविण्यात येणार असून, त्यासाठी स्वतंत्र वेळापत्रक निश्चित करण्यात आले आहे. या लेखात तासिका निहाय नवीन शालेय वेळापत्रक सविस्तर पाहूया.
शाळेच्या वेळेचे काटेकोर पालन व्हावे, यासाठी मुख्याध्यापक, शिक्षक आणि शिक्षकेतर कर्मचाऱ्यांना स्पष्ट सूचना देण्यात आल्या आहेत. या संदर्भात शिक्षणाधिकारी (प्राथमिक), जिल्हा परिषद, लातूर यांच्या कार्यालयाकडून १४ ऑक्टोबर २०२६ रोजी पत्र जारी करण्यात आले आहे.
नवीन शालेय वेळापत्रक काय आहे? ZP School Time Table
जिल्हा परिषद अंतर्गत स्थानिक स्वराज्य संस्थांच्या शाळांसाठी सोमवार ते शुक्रवार सकाळी १० ते दुपारी ४:३० अशी वेळ निश्चित करण्यात आली आहे. शनिवारी मात्र सकाळी ९ ते दुपारी १:२० या वेळेत अर्धा दिवस शाळा सुरू राहणार आहे.
शिक्षकांनी आणि मुख्याध्यापकांनी आपल्या शाळेतील सर्व संबंधित शिक्षक व शिक्षकेतर कर्मचाऱ्यांना या वेळापत्रकाची स्पष्ट माहिती द्यावी आणि निर्धारित वेळेचे पालन होईल याची दक्षता घ्यावी, असे निर्देश देण्यात आले आहेत.
हे ही वाचा: जिल्हा परिषद लातूर दिवाळी सुट्टीचे परिपत्रक येथे डाउनलोड करा
सोमवार ते शुक्रवार पूर्ण वेळ शाळेचे तासिका निहाय वेळापत्रक
सोमवार ते शुक्रवार या दिवशी शाळेचे कामकाज सकाळी 10 वाजता सुरू होईल. प्रार्थना आणि 9 तासांचे वेळापत्रक पुढीलप्रमाणे असेल.
| तपशील | पासून | पर्यंत | कालावधी |
|---|---|---|---|
| परिपाठ | सकाळी १०:०० | सकाळी १०:२० | २० मिनिटे |
| पहिला तास | सकाळी १०:२० | सकाळी १०:५५ | ३५ मिनिटे |
| दुसरा तास | सकाळी १०:५५ | सकाळी ११:३० | ३५ मिनिटे |
| लघु मध्यंतर | सकाळी ११:३० | सकाळी ११:४० | १० मिनिटे |
| तिसरा तास | सकाळी ११:४० | दुपारी १२:१५ | ३५ मिनिटे |
| चौथा तास | दुपारी १२:१५ | दुपारी १२:५० | ३५ मिनिटे |
| दीर्घ मध्यंतर | दुपारी १२:५० | दुपारी १:२५ | ३५ मिनिटे |
| पाचवा तास | दुपारी १:२५ | दुपारी २:०० | ३५ मिनिटे |
| सहावा तास | दुपारी २:०० | दुपारी २:३५ | ३५ मिनिटे |
| लघु मध्यंतर | दुपारी २:३५ | दुपारी २:४५ | १० मिनिटे |
| सातवा तास | दुपारी २:४५ | दुपारी ३:२० | ३५ मिनिटे |
| आठवा तास | दुपारी ३:२० | दुपारी ३:५५ | ३५ मिनिटे |
| नववा तास | दुपारी ३:५५ | दुपारी ४:३० | ३५ मिनिटे |
या वेळापत्रकानुसार शाळा सकाळी १० वाजता सुरू होऊन दुपारी ४:३० वाजता सुटेल. प्रत्येक तासाचा कालावधी ३५ मिनिटांचा असून, लघु मध्यंतरासाठी १० मिनिटे आणि दीर्घ मध्यंतरासाठी ३५ मिनिटे ठेवण्यात आली आहेत.
शनिवार अर्धा दिवस शाळेचे तासिका निहाय वेळापत्रक
शनिवारी शाळा सकाळी 9 वाजता सुरू होईल. या दिवशी परिपाठ, 6 तास आणि दीर्घ मध्यंतर असे वेळापत्रक राहील.
| तपशील | पासून | पर्यंत | कालावधी |
|---|---|---|---|
| परिपाठ | सकाळी ९:०० | सकाळी ९:२० | २० मिनिटे |
| पहिला तास | सकाळी ९:२० | सकाळी ९:५५ | ३५ मिनिटे |
| दुसरा तास | सकाळी ९:५५ | सकाळी १०:३० | ३५ मिनिटे |
| तिसरा तास | सकाळी १०:३० | सकाळी ११:०५ | ३५ मिनिटे |
| दीर्घ मध्यंतर | सकाळी ११:०५ | सकाळी ११:३५ | ३० मिनिटे |
| चौथा तास | सकाळी ११:३५ | दुपारी १२:१० | ३५ मिनिटे |
| पाचवा तास | दुपारी १२:१० | दुपारी १२:४५ | ३५ मिनिटे |
| सहावा तास | दुपारी १२:४५ | दुपारी १:२० | ३५ मिनिटे |
शनिवारी शाळेची सुट्टी दुपारी १:२० वाजता होईल. त्यामुळे शिक्षकांनी तसेच संबंधित कर्मचाऱ्यांनी शनिवारच्या स्वतंत्र वेळापत्रकानुसार शालेय कामकाजाचे नियोजन करणे आवश्यक आहे.
मुख्याध्यापक आणि शिक्षकांसाठी महत्त्वाचे निर्देश
शाळेच्या वेळापत्रकाचे पालन करण्याबाबत काही महत्त्वाच्या सूचना देण्यात आल्या आहेत. त्या खालीलप्रमाणे
१. जिल्हा परिषद अंतर्गत सर्व संबंधित शाळांनी निर्धारित वेळेनुसार सकाळी १०:०० वाजता सुरू होऊन दुपारी ०४:३० वाजेपर्यंत निर्धारित करण्यात आली आहे.
२. सर्व मुख्याध्यापकांनी आपल्या शाळेतील शिक्षक व शिक्षकेतर कर्मचाऱ्यांना याबाबत स्पष्ट सूचना देऊन शाळेच्या निर्धारित वेळेचे काटेकोरपणे पालन होईल, याची जबाबदारी पार पाडावी. (RTE नुसार अध्यापन पुरक कालावधी वेगळा राहील.) असेही नमूद करण्यात आले आहे.
३. सर्व गटशिक्षणाधिकारी यांनी आपल्या कार्यक्षेत्रातील शाळांच्या वेळेच्या पालनाबाबत नियमित देखरेख व तपासणी करावी. तसेच, केंद्रप्रमुखांमार्फत शाळांना भेटी देऊन निर्धारित वेळेचे पालन होत असल्याची खात्री करावी.
४. शाळांच्या वेळेचे पालन होत नसल्याचे निदर्शनास आल्यास संबंधित बाबीची पडताळणी करून नियमानुसार आवश्यक ती कार्यवाही करावी व केलेल्या कार्यवाहीचा अहवाल या कार्यालयास सादर करावा.
५. सदर निर्देशांची आपल्या कार्यक्षेत्रातील सर्व संबंधित शाळांना तात्काळ माहिती देऊन त्याची काटेकोर अंमलबजावणी करण्यात यावी. संबंधित सर्व शाळांना या निर्देशांची तात्काळ माहिती देऊन त्यांची काटेकोर अंमलबजावणी करण्यास सांगण्यात आले आहे.
हा आदेश कोणत्या शाळांसाठी आहे?
शिक्षणाधिकारी (प्राथमिक), जिल्हा परिषद, लातूर यांच्या पत्रानुसार हे निर्देश लातूर जिल्हा परिषद अंतर्गत स्थानिक स्वराज्य संस्थांच्या शाळांसाठी जारी करण्यात आले आहेत. त्यामुळे या पत्राचा उल्लेख करताना तो संपूर्ण महाराष्ट्रातील सर्व शाळांना लागू नाही. अधिक माहितीसाठी SCERT शालेय वेळापत्रक PDF डाउनलोड करा.
तासिका निहाय नवीन शालेय वेळापत्रक 2026-27 जिल्हा परिषद लातूर परिपत्रक डाउनलोड करा
