HSC Exam Application Form Notification 2026 : महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च २०२७ मध्ये घेण्यात येणाऱ्या उच्च माध्यमिक प्रमाणपत्र (इयत्ता 12 वी) परीक्षेसाठी विद्यार्थ्यांचे ऑनलाइन अर्ज स्वीकारण्याचे वेळापत्रक जाहीर करण्यात आले आहे. त्यानुसार नियमित शुल्कासह परीक्षा अर्ज रविवार, दिनांक १ नोव्हेंबर २०२६ ते सोमवार, दिनांक ३० नोव्हेंबर २०२६ या कालावधीत ऑनलाइन पद्धतीने भरता येणार आहेत.
या परीक्षेसाठी नियमित विद्यार्थ्यांसह पुनर्परीक्षार्थी, नावनोंदणी प्रमाणपत्र प्राप्त झालेले खासगी विद्यार्थी, श्रेणीसुधार योजनेअंतर्गत परीक्षा देणारे विद्यार्थी, तसेच तुरळक विषय घेऊन प्रविष्ट होणारे विद्यार्थी अर्ज करू शकणार आहेत. याशिवाय ITI (औद्योगिक प्रशिक्षण संस्थेद्वारे Transfer of Credit घेणाऱ्या) विद्यार्थ्यांनाही या वेळापत्रकानुसार अर्ज सादर करता येणार आहेत.
विद्यार्थ्यांचे ऑनलाइन अर्ज Submit केल्यानंतर संबंधित उच्च माध्यमिक शाळा किंवा कनिष्ठ महाविद्यालयाच्या लॉगिनमध्ये Pre-List उपलब्ध करून दिली जाईल. महाविद्यालयांनी या प्रिलिस्टची प्रिंट काढून विद्यार्थ्यांच्या जनरल रजिस्टरमधील नोंदींनुसार सर्व माहिती अचूक असल्याची खात्री करावी. त्यानंतर विद्यार्थ्यांची स्वाक्षरी घेऊन प्राचार्यांनी प्रिलिस्टच्या प्रत्येक पानावर शिक्का व स्वाक्षरी करणे आवश्यक आहे.
उच्च माध्यमिक शाळा आणि कनिष्ठ महाविद्यालयांनी विद्यार्थ्यांकडून परीक्षा शुल्क स्वीकारण्याचा कालावधी ३१ ऑगस्ट २०२६ ते ३० नोव्हेंबर २०२६ असा निश्चित करण्यात आला आहे. तसेच विद्यार्थ्यांच्या शुल्क पावत्या व प्रिलिस्ट विभागीय मंडळाकडे जमा करण्याची अंतिम तारीख ७ डिसेंबर २०२६ आहे.
सद्यस्थितीतील दुष्काळाची पार्श्वभूमी विचारात घेऊन मंडळाने विलंब व अतिविलंब शुल्क न आकारता नियमित शुल्कासह सर्व परीक्षा अर्ज स्वीकारण्याचा निर्णय घेतला आहे. मात्र, ऑनलाइन अर्ज सादर करण्यासाठी निश्चित केलेल्या मुदतीत कोणतीही वाढ देण्यात येणार नसल्याचे मंडळाने स्पष्ट केले आहे.
त्यामुळे इयत्ता बारावीच्या विद्यार्थ्यांनी आपल्या कनिष्ठ महाविद्यालयाशी संपर्क साधून विहित मुदतीत परीक्षा अर्ज भरावा. अर्जातील वैयक्तिक माहिती, विषय आणि इतर तपशील अचूक असल्याची खात्री करूनच अर्ज प्रक्रिया पूर्ण करावी.
हे ही वाचा : 12 वी बोर्ड परीक्षेचे वेळापत्रक आणि मागील प्रश्नपत्रिका येथे डाउनलोड करा
HSC Exam Application Form Notification 2026-27
महाराष्ट्र राज्य माध्यमिक व उच्च माध्यमिक शिक्षण मंडळाकडून नुकतेच इ. १० वी व १२ वी फेब्रु-मार्च २०२७ खाजगी विद्यार्थी (फॉर्म नं. १७) ऑनलाईन नावनोंदणीबाबत सर्व विभागीय मंडळांना सूचना देण्यात आल्या होत्या. आता इयत्ता १२ वी बोर्ड परीक्षा २०२७ साठी ऑनलाईन आवेदनपत्रे भरण्याबाबत खालीलप्रमाणे सूचना देण्यात आल्या आहेत.
महाराष्ट्र राज्य माध्यमिक व उच्च माध्यमिक शिक्षण मंडळामार्फत घेण्यात येणारी उच्च माध्यमिक प्रमाणपत्र (इ.१२ वी) फेब्रुवारी – मार्च-२०२७ (HSC Exam) परीक्षेची नियमित विद्यार्थ्यांची आवेदनपत्रे SARAL प्रणाली मधील PFN-ID बदल न घेता २०२६-२७ ला प्रविष्ठ इ. ११ वी (FYJC) च्या Online data वरून popup करून भरून घेण्यात येणार आहेत. MCVC व ITI च्या विद्यार्थ्यांचा data, online FYJC मध्ये उपलब्ध नाही त्यांनी थेट आवेदनपत्रे भरणे आवश्यक आहे. त्याव्यतिरिक्त ज्यांचा data, FYJC online मध्ये उपलब्ध नाही अशा विद्यार्थ्यांनी विभागीय मंडळात समक्ष जाऊन आवश्यक ती माहिती सादर करणे आवश्यक आहे.
इयत्ता १२ वी परीक्षेची आवेदनपत्रे ऑनलाईन पद्धतीने भरण्याबाबत सूचना
सर्व कनिष्ठ महाविद्यालयांनी आवेदनपत्रे भरण्यापूर्वी College Profile मध्ये कॉलेज, संस्था, मान्यताप्राप्त विषय, शिक्षक याबाबतची योग्य माहिती भरून मंडळाकडे पाठविणे आवश्यक आहे.
सर्व विद्यार्थ्यांची आवेदनपत्रे भरून सबमिट केल्यानंतर आवेदनपत्रे भरावयाच्या कालावधीमध्ये उच्च माध्यमिक शाळा/कनिष्ठ महाविद्यालयांना कॉलेज लॉगिन (College Login) मधून Pre-List उपलब्ध करून दिलेली असेल, अशा महाविद्यालयांनी त्याची प्रिंट काढून आवेदनपत्रात नमूद केलेली सर्व माहिती जुळत असल्याची खात्री करावी. सदर प्रिलिस्टवर माहितीची खात्री केल्याबाबत संबंधित विद्यार्थ्याची स्वाक्षरी घ्यावी. त्याचप्रमाणे पडताळणी केलेबाबत उच्च माध्यमिक शाळाप्रमुख / प्राचार्य यांनी प्रिलिस्टच्या प्रत्येक पानावर शिक्क्यासह स्वाक्षरी करावी.
इ. १२ वी परीक्षेची आवेदनपत्रे ही ऑनलाइन पद्धतीने स्विकारण्यात येणार असल्याने विद्यार्थ्यांनी आवेदनपत्रे त्यांच्या उच्च माध्यमिक शाळा/कनिष्ठ महाविद्यालयामार्फत भरावी. सर्व उच्च माध्यमिक शाळा/कनिष्ठ महाविद्यालयातील प्राचार्य यांनी ऑनलाइन आवेदनपत्रे भरण्यासाठी खालील महत्त्वाच्या बाबी विचारात घेणे आवश्यक आहे.
१. उच्च माध्यमिक प्रमाणपत्र (इ. १२ वी) परीक्षा फेब्रुवारी – मार्च २०२७ परीक्षेची नियमित विद्यार्थ्यांची आवेदनपत्रे SARAL प्रणाली मधील PFN-ID बदल न घेता २०२६-२७ ला प्रविष्ठ इ. ११ वी (FYJC) च्या Online data वरून popup करून भरून घेण्यात येणार आहेत. MCVC व ITI च्या विद्यार्थ्यांचा data, online FYJC मध्ये उपलब्ध नाही त्यांनी थेट आवेदनपत्रे भरणे आवश्यक आहे. त्याव्यतिरिक्त ज्यांचा data, FYJC online मध्ये उपलब्ध नाही, अशा विद्यार्थ्यांनी विभागीय मंडळात समक्ष जाऊन आवश्यक ती माहिती सादर करणे आवश्यक आहे.
२. पुनर्परीक्षार्थी, नवनोंदणी प्रमाणपत्र (Enrollment Certificate) प्राप्त झालेले खाजगी विद्यार्थी (Private Candidate), श्रेणीसुधार व तुकडा विषय घेऊन परीक्षेस प्रविष्ट होणारे विद्यार्थी, ITI (औद्योगिक प्रशिक्षण संस्थेतील Transfer of Credit घेणारे विद्यार्थी), व्यवसाय अभ्यासक्रम शाखेच्या (HSC Vocational) विद्यार्थ्यांची माहिती FYJC online मध्ये नसल्याने सदर विद्यार्थ्यांची आवेदनपत्रे प्रचलित पद्धतीने निश्चित केलेल्या तारखांना ऑनलाइन पद्धतीने भरावयाची आहेत.
३. ज्या विद्यार्थ्यांचा APPAR-ID उपलब्ध आहे त्याची नोंद आवेदनपत्र भरताना करण्यात यावी.
४. सर्व उच्च माध्यमिक शाळा/कनिष्ठ महाविद्यालयांनी Website द्वारे ठराविक संस्थेने विद्यार्थ्यांची निवड करून एकत्रित रक्कमेचा SBI बँकेच्या Online पेमेंट गेटवे द्वारे अचूक रक्कमेचा भरणा करावा व चलनाची प्रत व Pre-list विहित मुदतीमध्ये विभागीय मंडळास जमा करावी. रक्कम जमा केल्यानंतर त्या चलनामध्ये समाविष्ट सर्व विद्यार्थ्यांच्या application status मध्ये “Draft” चा “Send to Board” व Payment status मध्ये “Not Paid” चा “Paid” असा बदल झाला आहे का याची खातरजमा करावी. अशा “Send to Board” व “Paid” Status प्राप्त झालेली आवेदनपत्रे मंडळास प्राप्त झाले असे गृहीत धरून त्याबाबत पुढील कार्यवाही करण्यात येईल व वरील आवेदनपत्रे Draft Mode मध्ये राहतील व त्याबाबत कोणतीही कार्यवाही होणार नाही.
५. यापूर्वी वापरात असणाऱ्या बँकेच्या जुन्या चलनाचा वापर करण्यात येऊ नये. त्याप्रमाणे मंडळात रोख स्वरूपात शुल्क स्विकारले जाणार नाही.
६. आवेदनपत्रातील फोटोच्या संदर्भात सूचना खालीलप्रमाणे –
Photo Instructions: परीक्षेसाठी फोटो अपलोड करताना व्यावसायिकरित्या काढलेला रंगीत पासपोर्ट फोटो आवश्यक आहे. फाईलचे स्वरूप JPG असावे आणि आकार 25 KB ते 40 KB च्या दरम्यान असावा (जास्तीत जास्त 40 KB पर्यंत), फोटो गेल्या ६ महिन्यांत काढलेला असावा.
छायाचित्रासाठी महत्त्वाचे नियम आणि मार्गदर्शक तत्त्वे
१. स्वरूप आणि गुणवत्ता (Format & Quality):
फोटो हाय-क्वालिटी आणि स्पष्ट चेहरा असावा.
फोटोचा पार्श्वभाग (Background) पांढरा किंवा साध्या रंगाचा असावा.
२. विद्यार्थ्यांचे स्वरूप (Student Appearance):
१. विद्यार्थ्याचा चेहरा स्पष्ट आणि समोर असावा. दोन्ही डोळे आणि कान उघडे असावेत.
२. चेहऱ्यावर पूर्णपणे केस किंवा कोणतेही केस विखुरलेले नसावेत.
३. विद्यार्थ्याने शक्यतो अधिकृत शालेय गणवेशात छायाचित्र घ्यावे.
४. जर विद्यार्थी चष्मा लावत असेल, तर डोळ्यांवर प्रकाश पडून फोटो खराब होणार नाही याची काळजी घ्यावी.
३. तंत्रज्ञानाची माहिती (Technical Details):
१. फोटो JPEG (.jpg) फॉरमॅटमध्ये सेव्ह केलेला असावा. इतर FORMAT मधील (.PNG, BMP) फाईल JPG म्हणून RENAME करू नये.
२. फाईलचा आकार 25 KB ते 40 KB दरम्यान असावा.
आवेदनपत्रे मंडळाकडे पाठविल्यानंतर व प्रवेशपत्रे तयार झाल्यानंतर कोणताही फोटो बदलता येणार नाही.
७. आवेदनपत्रामध्ये विद्यार्थ्यांच्या नावात, जन्मतारखेमध्ये असंख्य चुका आढळतात. त्यामुळे prelist वर अथवा आवेदनपत्राच्या print वर विद्यार्थी / पालकांनी स्वाक्षरी घ्यावी.
८. आवेदनपत्रातील चुका टाळण्यासाठी कनिष्ठ महाविद्यालयांनी अनेक दुय्यम login, college च्या main login मध्ये तयार करून computer lab मध्ये विद्यार्थ्यांमार्फत आवेदनपत्रे भरून मुख्य login द्वारे त्याची तपासणी करावी.
९. उच्च माध्यमिक शाळा/कनिष्ठ महाविद्यालयांनी सादर केलेल्या सर्व आवेदनपत्रांचे विहित परीक्षा शुल्क भरल्याशिवाय संबंधितांची प्रवेशपत्रे उपलब्ध करून दिली जाणार नाहीत.
१०. आवेदनपत्रे सादर करण्याच्या तारखांना मुदतवाढ देण्यात येणार नाही. याची सर्व संबंधितांनी नोंद घ्यावी.
इयत्ता 12 वी बोर्ड परीक्षा ऑनलाईन फॉर्म भरणेबाबत प्रकटन
- प्रकटन फेब्रु.-मार्च २०२७ च्या इ.१२ वी परीक्षांची ऑनलाइन आवेदनपत्रे नियमित शुल्काने भरण्यास दि. ३०/११/२०२६ पर्यंत मुदतवाढ देणेबाबत
- इयत्ता१२ वी परीक्षा (HSC Exam) फेब्रुवारी – मार्च-२०२७ परीक्षेची आवेदनपत्रे सादर करण्याच्याबाबत प्रकटन डाउनलोड करा
- HSC Board Exam Subject List
- अधिकृत वेबसाईट : www.mahahsscboard.in
