PSE UPS Scholarship Examination 2026-27 : महाराष्ट्र राज्य परीक्षा परिषद, पुणे यांच्यामार्फत इयत्ता 4 थी आणि 7 वीच्या विद्यार्थ्यांसाठी घेण्यात येणाऱ्या शिष्यवृत्ती परीक्षेची तयारी करणाऱ्या विद्यार्थ्यांसाठी महत्त्वाची सूचना जाहीर झाली आहे. शैक्षणिक वर्ष २०२६-२७ मधील शिष्यवृत्ती परीक्षा २१ फेब्रुवारी २०२७ रोजी आयोजित करण्यात येणार आहे. या परीक्षेसाठी ऑनलाइन आवेदनपत्र भरण्याची प्रक्रिया २७ ऑक्टोबर २०२६ पासून सुरू झाली आहे.
या लेखामध्ये आपण शिष्यवृत्ती परीक्षा २०२७ सविस्तर माहिती, परीक्षा वेळापत्रक, ऑनलाइन आवेदनपत्र भरण्याच्या महत्त्वाच्या तारखा याबाबत सविस्तर माहिती दिली आहे.
Table of Contents
इयत्ता 4 थी व 7 वी परीक्षेचे वेळापत्रक जाहीर
महाराष्ट्र राज्य परीक्षा परिषद, पुणे यांच्या अधिसूचनेनुसार प्राथमिक शिष्यवृत्ती परीक्षा (इयत्ता ४ थी) व उच्च प्राथमिक शिष्यवृत्ती परीक्षा (इयत्ता ७ वी) रविवार, २१ फेब्रुवारी २०२७ रोजी आयोजित करण्यात येणार आहे.
| पेपर | विषय | परीक्षेची वेळ |
|---|---|---|
| पेपर १ | प्रथम भाषा व गणित | सकाळी ११:०० ते दुपारी १२:३० |
| पेपर २ | तृतीय भाषा व बुद्धिमत्ता चाचणी | दुपारी २:०० ते ३:३० |
प्राथमिक इ. ४ थी व उच्च प्राथमिक इ. ७ वी शिष्यवृत्ती परीक्षा – २०२७ संपूर्ण माहिती |MSCE Pune Scholarship 2027
शिष्यवृत्ती परीक्षेचे स्वरूप
प्राथमिक (इयत्ता ४ थी) आणि उच्च प्राथमिक (इयत्ता ७ वी) शिष्यवृत्ती परीक्षेसाठी घेतल्या जाणाऱ्या दोन्ही प्रश्नपत्रिकांमधील सर्व प्रश्न हे पूर्णपणे वस्तुनिष्ठ आणि बहुपर्यायी स्वरूपाचे असतात. परीक्षेच्या वेळी प्रत्येक पेपरसाठी A, B, C आणि D अशा चार संचांमध्ये प्रश्नपत्रिका विद्यार्थ्याला दिल्या जातात.
या दोन्ही परीक्षांसाठी विचारलेल्या प्रश्नांना चार पर्याय दिले जातात आणि त्यापैकी केवळ एकच पर्याय अचूक असतो, ज्याची निवड विद्यार्थ्याला करावी लागते.
परीक्षेसाठी पात्रता
PSE UPS या शिष्यवृत्ती परीक्षेला बसणारा विद्यार्थी हा प्रामुख्याने महाराष्ट्र राज्याचा रहिवासी असणे अत्यंत आवश्यक आहे. यासोबतच, तो विद्यार्थी शासनमान्य असलेल्या शासकीय, अनुदानित, विनाअनुदानित, कायम विनाअनुदानित किंवा स्वयंअर्थसहाय्यित शाळेमध्ये इयत्ता 4 थी किंवा इयत्ता 7 वीत शिकत असलेला असावा.
इयत्ता ४ वी पात्र शिष्यवृत्ती रक्कम
इयत्ता ७ वी पात्र शिष्यवृत्ती रक्कम
परीक्षेचे माध्यम
इयत्ता ४ थी व ७ वी साठी शिष्यवृत्ती परीक्षा एकूण ७ माध्यमांमध्ये घेतली जाते, ज्यामध्ये मराठी, उर्दू, हिंदी, गुजराती, इंग्रजी, तेलुगु आणि कन्नड या भाषांचा समावेश आहे. या सात मुख्य माध्यमांव्यतिरिक्त विद्यार्थ्यांना सेमी इंग्रजी माध्यमांचे एकूण सहा पर्यायदेखील उपलब्ध करून देण्यात आले आहेत.
जे विद्यार्थी ऑनलाईन आवेदनपत्रात ‘सेमी इंग्रजी’ हा पर्याय निवडतात, त्यांना परीक्षेच्या वेळी पेपर १ मधील ‘गणित’ आणि पेपर २ मधील ‘बुद्धिमत्ता चाचणी’ या विषयांच्या प्रश्नपत्रिका त्यांच्या मूळ माध्यमासह इंग्रजी माध्यमातूनही (अशा दोन्ही भाषांतून) उपलब्ध करून दिल्या जातात.
आवश्यक वयोमर्यादा
PSE UPS Scholarship परीक्षेसाठी प्रविष्ट होणाऱ्या विद्यार्थ्यांचे वय १ जून २०२५ रोजी शासनाने निश्चित केलेल्या वयोमर्यादेपेक्षा जास्त नसावे. इयत्ता चौथीच्या प्राथमिक शिष्यवृत्ती परीक्षेसाठी सर्वसाधारण प्रवर्गातील विद्यार्थ्यांचे वय कमाल १० वर्षे, तर दिव्यांग विद्यार्थ्यांचे वय कमाल १४ वर्षे असणे विहित केलेले आहे.
तसेच, इयत्ता सातवीच्या उच्च प्राथमिक शिष्यवृत्ती परीक्षेसाठी सर्वसाधारण प्रवर्गातील विद्यार्थ्यांची वयोमर्यादा कमाल १३ वर्षे असून, दिव्यांग विद्यार्थ्यांसाठी ती कमाल १७ वर्षे इतकी निश्चित करण्यात आली आहे.
शिष्यवृत्ती परीक्षा ऑनलाईन अर्ज प्रक्रिया
शैक्षणिक वर्ष २०२६-२७ मधील इयत्ता ४ थी व इयत्ता ७ वीच्या शिष्यवृत्ती परीक्षेसाठी ऑनलाइन आवेदनपत्र भरण्याचे वेळापत्रक पुढीलप्रमाणे आहे.
| शुल्काचा प्रकार | आवेदनपत्र भरण्याचा कालावधी |
|---|---|
| नियमित शुल्कासह | २७ ऑक्टोबर २०२६ ते ३० नोव्हेंबर २०२६ |
| विलंब शुल्कासह | १ डिसेंबर २०२६ ते १५ डिसेंबर २०२६ |
| अतिविलंब शुल्कासह | १६ डिसेंबर २०२६ ते २३ डिसेंबर २०२६ |
| अतिविशेष विलंब शुल्कासह | २४ डिसेंबर २०२६ ते ३१ डिसेंबर २०२६ |
महत्त्वाची सूचना: ३१ डिसेंबर २०२६ नंतर कोणत्याही परिस्थितीत ऑनलाइन किंवा ऑफलाइन पद्धतीने आवेदनपत्र भरता येणार नाही, असे अधिसूचनेत नमूद केले आहे.
ऑनलाइन आवेदनपत्र भरण्यासाठी अधिकृत संकेतस्थळे
- महाराष्ट्र राज्य परीक्षा परिषद : अधिकृत संकेतस्थळ
- शिष्यवृत्ती परीक्षा पोर्टल : शिष्यवृत्ती परीक्षा पोर्टल
अर्ज भरण्यासाठी महाराष्ट्र राज्य परीक्षा परिषदेच्या www.mscepune.in आणि https://puppssmsce.in या अधिकृत संकेतस्थळांवर लवकरच उपलब्ध करून देण्यात येणार आहेत.
विद्यार्थ्यांचे ऑनलाईन आवेदनपत्र भरताना विद्यार्थ्याचा फोटो व स्वाक्षरी एकत्रित स्कॅन करून अपलोड करणे अनिवार्य आहे, तसेच विद्यार्थ्याची सर्व माहिती शाळेच्या रेकॉर्डप्रमाणे अचूक असल्याची पडताळणी मुख्याध्यापकांनी स्वतः करणे बंधनकारक आहे.
प्राथमिक इ ४ थी व उच्च प्राथमिक इ ७ वी शिष्यवृत्ती परीक्षा शासन निर्णय
- प्राथमिक शिष्यवृत्ती परीक्षा इ. ४ थी / उच्च प्राथमिक शिष्यवृत्ती परीक्षा इ. ७ वी – २०२७ अधिसूचना
- पूर्व उच्च प्राथमिक शिष्यवृत्ती परीक्षा इ. ५ वी ऐवजी इ. ४ थी व पूर्व माध्यमिक शिष्यवृत्ती परीक्षा इ. ८ वी ऐवजी इ. ७ वी मध्ये आयोजित करणे, परीक्षेचे नामाभिधान प्राथमिक शिष्यवृत्ती परीक्षा (इ. ४ थी स्तर) व उच्च प्राथमिक शिष्यवृत्ती परीक्षा (इ. ७ वी स्तर) असे करणे, परीक्षेच्या अटी व शर्ती तसेच शिष्यवृत्ती संच प्रकार, मंजूर संच संख्या, शिष्यवृत्तीचे दर व शिष्यवृत्तीधारक विद्यार्थी निवड करणेबाबतचे सुधारीत निकष शालेय शिक्षण व क्रीडा विभाग शासन निर्णय दि १७/१०/२०२५ डाउनलोड करा
- शिष्यवृत्ती परीक्षा 2027 महाराष्ट्र राज्य परीक्षा परिषद परिपत्रक (25/8/2026)
- शिष्यवृत्ती परीक्षा अधिसूचना ऑक्टोबर २०२६
- एप्रिल २०२६ शिष्यवृत्ती परीक्षा प्रश्नपत्रिका PDF सर्व माध्यम डायरेक्ट लिंक
शिष्यवृत्ती परीक्षा इ ४ थी व ७ वी नवीन अपडेट
प्राथमिक शिष्यवृत्ती परीक्षा (इ.4 थी) व उच्च प्राथमिक शिष्यवृत्ती परीक्षा (इ. 7 वी) फेब्रुवारी 2027 करीता माहिती संकलन प्रपत्रातील माहिती अद्ययावत करणेबाबत परिपत्रक जारी केले आहे.
प्राथमिक शिष्यवृत्ती परीक्षा (इ.4 थी) व उच्च प्राथमिक शिष्यवृत्ती परीक्षा (इ. 7 वी) (PSE UPS Scholarship Exam Date 2027) ही दि. 21/02/2027 रोजी घेण्याचे प्रस्तावित आहे.
सदर परीक्षेच्या पुढील आवश्यक कार्यवाहीसाठी आपल्या कार्यालयाची तसेच जिल्ह्यातील सर्व गटशिक्षणाधिकारी व प्रशासन अधिकारी, मनपा कार्यालयाची प्राथमिक माहिती प्राप्त करुन घेण्यासाठी शिष्यवृत्ती परीक्षा इ. 4 थी व इ. 7 वी सन 2026 च्या परीक्षेसाठी आपणास देण्यात आलेल्या लॉगीनमध्ये Officer’s Information 2027 हा स्वतंत्र पर्याय उपलब्ध करून देण्यात आलेला आहे.
सदर पर्यायात मागील वर्षाची आपली, आपल्या जिल्ह्यातील सर्व गटशिक्षणाधिकारी व प्रशासन अधिकारी, मनपा यांची माहिती दर्शविण्यात आली आहे. त्या
मध्ये काही बदल असल्यास View या बटनावर क्लिक करून दि. 24/09/2026 ते 30/09/2026 या कालावधीत ग्राम विकास विभाग शासन निर्णय दि 25/6/2026 च्या शासन निर्णयातील तरतूदीनुसार सेस फंड / मनपा निधीतून शुल्क भरणा करणेबाबत तसेच इतर माहितीत आवश्यक तो बदल करून माहिती अद्ययावत करावी, जेणेकरुन आपणास सन 2027 च्या परीक्षेकरीता ऑनलाईन लॉगीन उपलब्ध करुन देता येईल. अशा सूचना परीक्षा परिषदेकडून निर्गमित करण्यात आल्या आहे.
प्राथमिक इ. ४ थी व उच्च प्राथमिक इ. ७ वी शिष्यवृत्ती परीक्षा – २०२७ पूर्वतयारी
- PSE Full Form : Primary Scholarship Examination Std. 4ᵗʰ (PSE)
- UPS Full Form : Upper Primary Scholarship Examination Std. 7ᵗʰ (UPS) – 2027
शालेय शिक्षण व क्रीडा विभाग शासन निर्णय दि १७/१०/२०२५ नुसार प्राथमिक शिष्यवृत्ती परीक्षा (इ. ४ थी) व उच्च प्राथमिक शिष्यवृत्ती परीक्षा (इ. ७ वी) सन २०२७ च्या परीक्षेचे आयोजन (Scholarship Examination Date2027) फेब्रुवारी २०२७ मध्ये करण्यात येणार आहे.
सदर शासन निर्णयानुसार शिष्यवृत्ती परीक्षा सर्व स्थानिक स्वराज्य संस्थांच्या शाळांमधील इ. ४ थी व इ. ७ वीच्या विद्यार्थ्यांसाठी बंधनकारक करण्यात आली आहे.
ग्रामविकास विभाग, शासन निर्णय दि. २६/०६/२०२६ रोजीच्या शासन निर्णयानुसार राज्यातील जिल्हा परिषदांतर्गत येणाऱ्या प्राथमिक शाळांच्या देखभाल व दुरुस्ती व इतर अनुषंगिक खर्चासाठी स्वउत्पन्न अंदाजपत्रकामध्ये ५% निधी राखीव ठेवण्याबाबत सूचना देण्यात आल्या असून, सदर राखीव ठेवलेल्या ५% निधीमधून जिल्हा परिषदेच्या अधिनस्त शाळांतील इ. ४ थी व इ. ७ वी शिष्यवृत्ती परीक्षेस प्रविष्ट विद्यार्थ्यांचे परीक्षा शुल्क व शाळा संलग्नता शुल्क भरण्याची तरतूद करण्यास मान्यता देण्यात आलेली आहे.
प्राथमिक शिष्यवृत्ती परीक्षा (इ. ४ थी) व उच्च प्राथमिक शिष्यवृत्ती परीक्षा (इ. ७ वी) सन २०२७ ची अधिसूचना माहे ऑक्टोबर २०२६ मध्ये प्रसिद्ध करण्यात येणार असून, शिष्यवृत्ती परीक्षेसाठी राज्यातील सर्व जिल्हा परिषद / मनपा शाळांचे शाळा संलग्नता शुल्क व विद्यार्थी आवेदनपत्र शुल्क जिल्हा परिषद सेस फंड / मनपा निधीतून भरणा करण्याची तरतूद करावी.
तसेच इ. ४ थी व इ. ७ वी २०२७ शिष्यवृत्ती परीक्षेसाठी सर्व शाळांना पूर्वतयारी म्हणून शाळा माहिती प्रपत्रामध्ये शाळेची व विद्यार्थी आवेदनपत्रामध्ये (इ. ४ थी व इ. ७ वी शिष्यवृत्ती परीक्षा २०२६ नुसार) परीक्षेस बसू इच्छिणाऱ्या विद्यार्थ्यांची माहिती भरून संकलित करण्यास आपल्या स्तरावरून कळवावे.
सदर माहिती भरलेली प्रपत्र शाळेतच ठेवावी, जेणेकरून सदर परीक्षेची अधिसूचना प्रसिद्ध होऊन ऑनलाइन लिंक उपलब्ध होताच आवेदनपत्रे ऑनलाइन भरणे सुलभ, जलद व बिनचूक होईल. त्यामुळे आपण आपल्या स्तरावरून सर्व शाळांना उपरोक्तनुसार कार्यवाही करण्यास सूचित करावे. असे निर्देश महाराष्ट्र राज्य परीक्षा परिषदेने (mscepune) दिले आहे.
