Bal Chitrakala Spardha Result 2026 : अखेर बालचित्रकला स्पर्धेच्या जिल्हास्तरीय निकाल नुकताच जाहीर करण्यात आला आहे. यंदाची बालचित्रकला स्पर्धा 08 ऑगस्ट 2026 रोजी आयोजित करण्यात आली होती. जिल्हास्तरीय बक्षीसपात्र विद्यार्थ्यांचा निकाल दिनांक 19 ऑक्टोबर, 2026 रोजी मंडळाच्या संकेतस्थळावर प्रसिद्ध करण्यात आला आहे. या लेखात जिल्हानिहाय यादी डाउनलोड लिंक दिलेली आहे.
महाराष्ट्र शासनाच्या 14 जुलै 2025 रोजीच्या शासन निर्णयानुसार सन 2025-26 पासून बालचित्रकला स्पर्धेचे आयोजन महाराष्ट्र राज्य कला शिक्षण मंडळाकडून करण्यात येत आहे. या शासन निर्णयात स्पर्धेची गटनिहाय रचना, चित्रांची निवड प्रक्रिया तसेच जिल्हा व राज्य स्तरावरील बक्षिसांची रक्कम निश्चित करण्यात आली आहे.
Table of Contents
बालचित्रकला स्पर्धेचे चार गटांमध्ये आयोजन
बालचित्रकला स्पर्धा विद्यार्थ्यांच्या इयत्तेनुसार चार गटांमध्ये आयोजित केली जाते.
गट-1 : इयत्ता पहिली व दुसरी
गट-2 : इयत्ता तिसरी व चौथी
गट-3 : इयत्ता पाचवी, सहावी व सातवी
गट-4 : इयत्ता आठवी, नववी व दहावी
शासन निर्णयात ही गटनिहाय रचना स्पष्ट करण्यात आली आहे.
बाल चित्रकला स्पर्धा निवड प्रक्रिया
स्पर्धा झाल्यानंतर निकाल थेट जाहीर करण्याऐवजी चित्रांची टप्प्याटप्प्याने निवड केली जाते. तालुका पातळीवरील निवडीसाठी संबंधित पंचायत समितीच्या गटशिक्षणाधिकारी यांच्याकडून समिती गठित केली जाते.
या समितीमध्ये तालुकास्तरावरील माध्यमिक शाळेचे मुख्याध्यापक, प्राथमिक शाळेचे मुख्याध्यापक, प्राथमिक/माध्यमिक शाळेतील प्रशिक्षित चित्रकला शिक्षक आणि स्थानिक चित्रकार यांचा समावेश असतो.
या समितीकडून प्रत्येक गटातील 20 चित्रांची निवड करण्यात येते. म्हणजे चारही गट मिळून एकूण 80 चित्रे तालुकास्तरावरून निवडली जातात. निवड झालेली चित्रे स्पर्धेच्या दुसऱ्या दिवशी संबंधित जिल्ह्याच्या शिक्षणाधिकाऱ्यांकडे पाठविण्याची तरतूद आहे.
त्यामुळे सध्या तालुकास्तरावरील निवड प्रक्रिया पूर्ण होणे हा Bal Chitrakala Spardha Result 2026 च्या पुढील टप्प्यासाठी महत्त्वाचा टप्पा आहे.
जिल्हास्तर निवड प्रक्रिया
तालुकास्तरावरून प्राप्त झालेल्या चित्रांमधून जिल्हास्तरावर विजेत्यांची निवड केली जाते. यासाठी जिल्हास्तरीय समितीतील तीन सदस्यांची स्वतंत्र निवड समिती तयार केली जाते. या तीन सदस्यांपैकी दोन सदस्यांनी कला विषयाचे शिक्षण घेतलेले असणे अपेक्षित आहे.
या निवड समितीकडून प्रत्येक गटातून चार विजेत्यांची निवड केली जाईल.
म्हणजे प्रत्येक गटात:
पहिला क्रमांक – 1 विद्यार्थी
दुसरा क्रमांक – 1 विद्यार्थी
तिसरा क्रमांक – 1 विद्यार्थी
चौथा क्रमांक – 1 विद्यार्थी
अशा प्रकारे चारही गट मिळून जिल्हास्तरावर एकूण 16 विजेते निवडले जातील.
जिल्हास्तरावरील बक्षिसे किती?
शासन निर्णयानुसार प्रत्येक गटातील जिल्हास्तरीय विजेत्यांना पुढीलप्रमाणे बक्षिसे आहेत:
| क्रमांक | बक्षिसाची रक्कम |
|---|---|
| प्रथम | ₹2,000 |
| द्वितीय | ₹1,000 |
| तृतीय | ₹500 |
| चतुर्थ | ₹250 |
म्हणजे प्रत्येक गटासाठी एकूण ₹3,750 आणि चार गटांसाठी एकूण ₹15,000 इतकी जिल्हास्तरीय बक्षिसांची रक्कम होते. शासन निर्णयात जिल्हास्तरीय बक्षिसांच्या रकमेत मोठी वाढ करण्यात आली आहे.
बालचित्रकला स्पर्धा 2026 चा जिल्हास्तरीय निकाल जाहीर – जिल्हानिहाय यादी डाउनलोड लिंक
महाराष्ट्र राज्य कला शिक्षण मंडळामार्फत शनिवार, दिनांक ०८ ऑगस्ट, २०२६ रोजी महाराष्ट्र राज्यातील विविध माध्यमांच्या शाळांमध्ये राज्यस्तरीय बालचित्रकला स्पर्धा-२०२६ चे आयोजन करण्यात आले होते. बालचित्रकला स्पर्धा एकाच दिवशी चार गटांमध्ये आयोजित करण्यात आली होती.
बालचित्रकला स्पर्धेमध्ये सहभागी झालेल्या विद्यार्थ्यांच्या चित्रकामांमधून तालुकास्तरावर निवड झालेल्या चित्रांची जिल्हा परिषद शिक्षणाधिकारी (माध्यमिक)/शिक्षण उपसंचालक, मुंबई यांच्या कार्यालयामार्फत छाननी करण्यात आली आहे.
शासन निर्णयात नमूद केलेल्या निकषांनुसार समितीने निवडलेल्या जिल्हास्तरीय बक्षीसपात्र विद्यार्थ्यांचा निकाल दिनांक १९ ऑक्टोबर, २०२६ रोजी सायंकाळी ५.०० वाजता मंडळाच्या www.msbae.ac.in या संकेतस्थळावर बालचित्रकला स्पर्धा टॅबमध्ये प्रसिद्ध करण्यात येत आहे. बक्षिसपात्र विद्यार्थ्यांची जिल्हानिहाय यादी सोबत जोडण्यात येत आहे.
सदर विद्यार्थ्यांची प्रमाणपत्रे तसेच रोख बक्षिसाची रक्कम संबंधित शिक्षण निरीक्षक/शिक्षणाधिकारी यांच्यामार्फत स्वतंत्रपणे पाठविण्यात येईल.
तसेच राज्यस्तरीय बक्षीसपात्र विद्यार्थ्यांची यादी अंतिम निवड प्रक्रियेनंतर स्वतंत्रपणे जाहीर करण्यात येईल. तसेच सर्व गटांमधील स्पर्धेमध्ये सहभागी झाालेल्या विदयार्थ्याना सहभागी प्रमाणपत्र दि. २१/१०/२०२६ पासून शाळेच्या लॉगीनमधून डाऊनलोड करण्यासाठी उपलब्ध करुन देण्यात येईल.
बालचित्रकला स्पर्धा-२०२६ जिल्हानिहाय यादी येथे डाउनलोड करा
राज्यस्तरावर किती बक्षिसे मिळणार?
जिल्हास्तरावरील विजेत्यांमधून पुढे राज्यस्तरीय बक्षिसांसाठी चित्रांची निवड केली जाते. राज्यस्तरीय निवडीसाठी कला संचालनालयाच्या संचालकांच्या अध्यक्षतेखाली तीन सदस्यीय समितीची तरतूद आहे.
या समितीकडून प्रत्येक गटातील चार चित्रांची निवड केली जाते. त्यामुळे चार गटांतून राज्यस्तरावर एकूण 16 चित्रांची निवड केली जाईल.
राज्यस्तरीय बक्षिसांचे स्वरूप पुढीलप्रमाणे आहे:
| क्रमांक | बक्षिसाची रक्कम |
|---|---|
| प्रथम | ₹10,000 |
| द्वितीय | ₹5,000 |
| तृतीय | ₹2,500 |
| चतुर्थ | ₹1,000 |
एका गटातील चारही राज्यस्तरीय बक्षिसांची एकूण रक्कम ₹18,500 आहे. चार गटांसाठी राज्यस्तरावर एकूण ₹74,000 बक्षिसांची रक्कम होते.
याशिवाय राज्यस्तरीय विजेत्यांसोबत प्रत्येक गटातील आणखी 5 विद्यार्थ्यांना गुणवत्ताप्रमाणपत्रे देण्यात येणार आहेत.
बालचित्रकला स्पर्धा निकाल 2026 महत्त्वाच्या तारखा
सध्या तालुकास्तरावर चित्रांची निवड प्रक्रिया सुरू असल्याने लगेच अंतिम निकाल जाहीर होणे अपेक्षित नाही. तालुकास्तरावरून निवडलेली चित्रे जिल्हास्तरीय समितीकडे जातील. त्यानंतर जिल्हास्तरीय निवड आणि पुढे राज्यस्तरीय निवड प्रक्रिया पार पडेल.
शासन निर्णयानुसार जिल्हा व राज्यस्तरीय बक्षिसे आणि प्रमाणपत्रांचे वितरण बालदिन अर्थात 14 नोव्हेंबर रोजी शिक्षणाधिकारी (माध्यमिक) / शिक्षण निरीक्षक यांच्या माध्यमातून करण्याची तरतूद आहे.
त्यामुळे विद्यार्थ्यांनी आणि पालकांनी सध्या तालुकास्तरीय निवड प्रक्रिया व त्यानंतरच्या अधिकृत घोषणेकडे लक्ष ठेवणे महत्त्वाचे आहे.
बालचित्रकला स्पर्धा निकालाची तारीख | Bal Chitrakala Spardha Result Date
- 8 ऑगस्ट 2026 — बालचित्रकला स्पर्धेचे आयोजन
- 12 ऑगस्ट 2026 — चित्रे तालुकास्तरावर जमा करण्याची अंतिम तारीख
- 25 ऑगस्ट 2026 — तालुक्यातून निवडलेली 80 चित्रे जिल्ह्याकडे सादर करण्याची अंतिम तारीख
- 1 सप्टेंबर 2026 — जिल्हास्तरावर निवडलेली चित्रे मंडळाकडे पाठवण्याची अंतिम तारीख
- 19 ऑक्टोबर 2026 — जिल्हास्तरीय निकाल जाहीर
- 10 नोव्हेंबर 2026 पर्यंत — बक्षीसपात्र व गुणवत्तापात्र विद्यार्थ्यांची प्रमाणपत्रे शिक्षणाधिकाऱ्यांकडे पाठवण्याचे नियोजन
- 14 नोव्हेंबर 2026 — बालदिनानिमित्त प्रमाणपत्र वितरण
विद्यार्थ्यांसाठी महत्त्वाचे
यंदाच्या स्पर्धेत प्रत्येक गटातून तालुकास्तरावर 20 चित्रे निवडली जात असल्याने गुणवत्तापूर्ण चित्रांना पुढील स्तरावर जाण्याची संधी आहे. तालुकास्तरावरील निवडीनंतर जिल्हास्तरावर प्रत्येक गटातून चार विजेते निश्चित केले जातील आणि त्यानंतर त्यापैकी उत्कृष्ट चित्रांना राज्यस्तरीय बक्षिसांसाठी निवडले जाईल.
त्यामुळे Bal Chitrakala Spardha Result 2026 बाबत विद्यार्थी, शिक्षक आणि पालकांनी केवळ अंतिम निकालाचीच नव्हे, तर तालुका व जिल्हास्तरीय निवड प्रक्रियेतील पुढील अपडेट्सचीही प्रतीक्षा करावी.
08 ऑगस्ट 2026 रोजी स्पर्धा पार पडली असून सध्या तालुकास्तरावरील निवड प्रक्रिया सुरू आहे. प्रत्येक गटातील 20 चित्रे तालुकास्तरावरून जिल्ह्याकडे पाठवली जातील. जिल्हास्तरावर प्रत्येक गटातून प्रथम ते चौथ्या क्रमांकाचे चार विजेते निवडले जातील. पुढे राज्यस्तरावरही प्रत्येक गटातील चार चित्रांची निवड होईल. जिल्हा व राज्यस्तरीय बक्षिसांचे वितरण 14 नोव्हेंबर रोजी करण्याची शासन निर्णयात तरतूद आहे.
