NVS 9th Class Admission Entrance Exam 2026 : ग्रामीण भागातील विद्यार्थ्यांना उच्च दर्जाचे मोफत शिक्षण मिळवून देण्याचे स्वप्न जवाहर नवोदय विद्यालय समिती नेहमीच पूर्ण करत आली आहे. शैक्षणिक वर्ष २०२७-२८ साठी नवोदय विद्यालयांमध्ये नववीच्या वर्गात रिक्त असलेल्या जागांवर प्रवेशासाठी अधिसूचना जारी करण्यात आली असून, इच्छुक व पात्र विद्यार्थी यासाठी अर्ज करू शकतात. याबाबतची सविस्तर माहिती.
Table of Contents
नवोदय विद्यालयांचे महत्त्व आणि वैशिष्ट्ये
राष्ट्रीय शैक्षणिक धोरण १९८६ अंतर्गत सुरू झालेली Jawahar Navodaya Vidyalaya प्रणाली आज देशातील ग्रामीण विद्यार्थ्यांसाठी शिक्षणाचे माहेरघर बनली आहे. येथील शिक्षण प्रणाली केवळ पुस्तकी ज्ञानापुरती मर्यादित नसून विद्यार्थ्यांच्या सर्वांगीण विकासावर भर देणारी आहे.
विद्यालयात प्रवेश मिळालेल्या विद्यार्थ्यांना राहणे, खाणे, गणवेश, पुस्तके आणि उच्च दर्जाचे आधुनिक शिक्षण पूर्णपणे विनामूल्य दिले जाते. याशिवाय विद्यार्थ्यांमध्ये राष्ट्रभावना रुजावी यासाठी हिंदी भाषिक प्रदेशातील ३० टक्के विद्यार्थी अ-हिंदी भाषिक प्रदेशातील शाळेत एक वर्ष अभ्यास करतात, ज्यामुळे राष्ट्रीय एकात्मतेला बळकटी मिळते.
NVS 9th Class Admission Dates
विद्यालयात प्रवेश घेण्यासाठी काही महत्त्वाच्या तारखा खालीलप्रमाणे आहेत:
- ऑनलाइन अर्ज करण्याची अंतिम तारीख: ३० सप्टेंबर २०२६
- निवड चाचणी परीक्षा दिनांक: १० एप्रिल २०२७ (शनिवार)
- अधिकृत संकेतस्थळ: www.navodaya.gov.in
NVS 9th Class Exam Date 2027 : जवाहर नवोदय विद्यालय वर्ग ९ वी (सत्र २०२७-२८) प्रवेश परीक्षेची तारीख १० एप्रिल २०२७ (शनिवार) ही आहे. तसेच ऑनलाइन अर्ज करण्याची अंतिम तारीख ३० सप्टेंबर २०२६ आहे.
NVS 9th Class Admission Entrance Exam 2026 पात्रता निकष आणि वयोमर्यादा
या प्रवेश परीक्षेसाठी अर्ज करू इच्छिणाऱ्या विद्यार्थ्यांनी काही महत्त्वाच्या अटी पूर्ण करणे बंधनकारक आहे. संबंधित विद्यार्थ्याचा जन्म १ मे २०१२ ते ३१ जुलै २०१४ (दोनही दिवस धरून) या कालावधीत झालेला असावा.
तसेच, विद्यार्थी २०२६-२७ या शैक्षणिक सत्रात संबंधित जिल्ह्यातील शासनमान्य शाळेत इयत्ता आठवीमध्ये शिकत असणे आणि त्याच जिल्ह्याचा रहिवासी असणे आवश्यक आहे. ग्रामीण भागातील शाळांमध्ये शिकणाऱ्या विद्यार्थ्यांना ग्रामीण कोट्याचा लाभ मिळतो.
परीक्षा स्वरूप आणि अभ्यासक्रम
इयत्ता आठवीच्या अभ्यासक्रमावर आधारित ही प्रवेश परीक्षा अडीच तासांची असून ती ओएमआर (OMR) शीटवर घेतली जाईल. परीक्षेमध्ये एकूण १०० बहुपर्यायी प्रश्न विचारले जातात, ज्यामध्ये कोणतेही नकारात्मक गुण (Negative Marking) असणार नाही.
परीक्षेमध्ये गणित आणि सामान्य विज्ञान या विषयांना प्रत्येकी ३५ गुण असून इंग्रजी आणि हिंदी भाषा विषयांना प्रत्येकी १५ गुण असतात. विद्यार्थ्यांची अंतिम गुणवत्तेची यादी गणित, विज्ञान आणि दोनपैकी एका उच्च गुण मिळालेल्या भाषा विषयाच्या आधारावर तयार केली जाते.
अर्ज कसा करावा?
पालक किंवा विद्यार्थी नवोदय विद्यालयाच्या अधिकृत संकेतस्थळावरून घरबसल्या किंवा मोबाईलवरून पूर्णपणे मोफत ऑनलाइन अर्ज भरू शकतात.
अर्ज करताना विद्यार्थ्याचा फोटो, पालकांची आणि विद्यार्थ्याची स्वाक्षरी सोबतच आधार क्रमांक आणि इतर आवश्यक माहिती अचूक भरणे गरजेचे आहे. ग्रामीण भागातील पालकांसाठी प्रत्येक नवोदय विद्यालयात हेल्प डेस्कची सोय देखील उपलब्ध करून देण्यात आली आहे, जिथे जाऊन अर्ज विनामूल्य भरता येऊ शकतो.
प्रतिभावान विद्यार्थ्यांच्या उज्ज्वल भविष्यासाठी आणि उत्कृष्ट करिअर घडवण्यासाठी जवाहर नवोदय विद्यालय हा एक उत्तम पर्याय आहे. वेळेत अर्ज करून या सुवर्णसंधीचा लाभ घ्यावा.
